കുറവിലങ്ങാട്: കുര്യനാട് മരോട്ടിയ്ക്കത്തടത്തില്‍ രാമചന്ദ്രന്‍ നായര്‍ (55) -നെ വീടിനുള്ളിലെ
കട്ടിലിനടിയില്‍ മരിച്ച നിലയില്‍ കാണപ്പെട്ടു. വെള്ളിയാഴ്ച രാവിലെയാണ്
മൃതദ്ദേഹം കാണപ്പെട്ടത്.
രാമചന്ദ്രനും ഭാര്യ സരോജിനിയും മാത്രമാണിവിടെ താമസം. വ്യാഴാഴ്ച രാത്രിയോ 12.30 ഓടെയാണ് ഇവര്‍ ഉറങ്ങാന്‍ കിടന്നത്. രാവിലെ കട്ടിലിന് സമീപം എത്തിയപ്പോള്‍ രാമചന്ദ്രന്‍ കട്ടിലിനടിയില്‍ കിടക്കുകയായിരുന്നു. കട്ടിലിന്റെ ക്രാസിയില്‍ ബന്ധിച്ച കയര്‍ രാമചന്ദ്രന്റെ കഴുത്തില്‍ മുറുകിയ നിലയിലും കാണപ്പെട്ടിരുന്നു. ഇത് ചെത്തി മുറിച്ചതായും ഭാര്യ ഭാര്യ സരോജിനി മൊഴിനല്‍കിയതായി പോലീസ് പറഞ്ഞു. നെറ്റിയുടെ വലുത് ഭാഗത്ത് മുറിവുണ്ടെന്നും നിലത്ത് രക്തം തളം കെട്ടികിടന്നിരുന്നതായും പോലീസ് പറഞ്ഞു. മക്കള്‍: സ്മിത, സുധ.
കുറവിലങ്ങാട് പോലീസ് മേല്‍നടപടി സ്വീകരിച്ച് പോസ്റ്റ്‌മോര്‍ട്ടം ചെയ്ത മൃതദ്ദേഹം ബന്ധുക്കള്‍ക്ക് വിട്ടു നല്‍കി. പോസ്റ്റ് മോര്‍ട്ടം ചെയ്ത ഡോക്ടര്‍മാര്‍ മരണ കാരണം വ്യക്തമാക്കിയില്ല. മരണത്തില്‍ ബന്ധുക്കള്‍ അടക്കം ആരും പരാതി നല്‍കിയിട്ടില്ലെന്നും നാട്ടില്‍ ചിലരില്‍ നിന്ന് ഉയരുന്ന സംശയം ദൂരുഹരിക്കുന്നതിനായി വിശദമായ അന്വേഷണം നടത്തുമെന്നും കുറവിലങ്ങാട് എസ്.ഐ. കെ.എന്‍. ഷാജി മോന്‍ പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ