അമനകര ചാവറ സ്കൂളില് തലമുറകളുടെ സംഗമം
അമനകര: ചാവറ ഇന്റര്നാഷണല് സ്കൂളിലെ രക്ഷാകര്തൃസംഗമം അക്ഷരാര്ത്ഥത്തില് തലമുറകളുടെ സംഗമമായി മാറി. വിദ്യാര്ഥികളും രക്ഷിതാക്കളും മുത്തശീമുത്തശന്മാരും ചടങ്ങില് എത്തിയതാണ് സമ്മേളനം തലമുറകളുടെ സംഗമമാക്കിയത്.
കാലടി സംസ്കൃത യൂണിവേഴ്സിറ്റി മുന് വൈസ് ചാന്സിലര് ഡോ. കെ.എസ്. രാധാകൃഷ്ണന് ക്ലാസെടുത്തു. സമ്മേളനത്തില് ഗ്രാന്റ് പേരന്റ്സിനെ ആദരിച്ചു. മാതൃകാ കര്ഷകര്ക്കുള്ള അവാര്ഡും പ്രശസ്തിപത്രവും നല്കി. സ്കൂള് ഡയറക്ടര് ഫാ. ജോര്ജ് മറ്റം, പ്രിന്സിപ്പല് ഫാ. ഫിലിപ്പ് നെച്ചിക്കാട്ടില് എന്നിവര് പ്രസംഗിച്ചു. രക്ഷകര്ത്താക്കളുടെയും അധ്യാപകരുടെയും വിവിധ കലാപരിപാടികളും സ്നേഹവിരുന്നും നടന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ