സമയത്തിന്റെ ഗണിത മായാജാലം ഇന്നും
തൃശൂര്: പത്താം വര്ഷത്തില് പത്താംമാസത്തില് പത്താം ദിവസത്തില് പത്താം മണിക്കൂറില് പത്താം മിനിറ്റില് പത്താം സെക്കന്ഡ്-ലോകം ഞായറാഴ്ച രാവിലെ നൂറ്റാണ്ടിലെ അപൂര്വ നിമിഷം പിന്നിടും. 8-9-10 എന്ന സെപ്റ്റംബര് കലണ്ടര് മാജിക്കിനെ പിന്തുടര്ന്നാണ് ഒക്ടോബറിലെ മാജിക്കും എത്തിയിരിക്കുന്നത്. അടുത്തവര്ഷം 11.11.11 എന്ന തീയതിയും തൊട്ടടുത്തവര്ഷം 12.12.12 എന്ന തീയതിയും കാണാനാകും.
പിന്നീട് ഇത്തരം തീയതികള് 2101 മുതല് 2112 വരെയുമാണ് ഉണ്ടാകുക. ഒന്നുമുതല് 12 വരെ വരുന്ന വര്ഷങ്ങളില് ഇവ ആവര്ത്തിക്കുമെങ്കിലും ഇന്നത്തെ തീയതി പോലെ വരണമെങ്കില് 3001(1-1-1) മുതല് 3012(121212) വരെ കാത്തിരിക്കണം. ഈ അപൂര്വദിനം വിവാഹത്തിനു തെരഞ്ഞെടുത്തിരിക്കുന്ന പ്രണയജോഡികളും ഏറെയാണ്. 100 പ്രണയജോഡികളാണ് സിഡ്നിയില് വിവാഹം രജിസ്റ്റര് ചെയ്യുന്നത്്.
രാവിലെ 10.10, രാത്രി 10.10 എന്നിവയാണ് നാളെത്തെ അപൂര്വ നിമിഷങ്ങള്. അതുപോലെ തന്നെ, തീയതി സൂചിപ്പിക്കുന്ന 101010 എന്ന സംഖ്യയെ ഒരാഴ്ചയിലെ ദിവസങ്ങളുടെ എണ്ണം കൊണ്ട് ശിഷ്ടമില്ലാതെ ഹരിക്കാനാകുമെന്നതു മറ്റൊരു പ്രത്യേകത.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ