നേട്ടങ്ങള്‍ നിലനിര്‍ത്താന്‍ വിദ്യാഭ്യാസ രംഗത്ത് കാലാനുസൃത മാറ്റങ്ങള്‍ വേണം -മന്ത്രി കെ.സി. ജോസഫ്

കളത്തൂര്‍ ഗവ. യു.പി. സ്‌ക്കൂള്‍ ശതാബ്ദി സ്മാരക സമര്‍പ്പണം മന്ത്രി കെ.സി. ജോസഫ്, നിര്‍വ്വഹിക്കുന്നു. മോന്‍സ് ജോസഫ് എം.എല്‍.എ. സമീപം.

കളത്തൂര്‍ ഗവ. യു.പി. സ്‌ക്കൂള്‍ ശതാബ്ദി ആഘോഷ സമാപന സമ്മേളനം മന്ത്രി കെ.സി. ജോസഫ് ഉദ്ഘാടനം ചെയ്യുന്നു. മോന്‍സ് ജോസഫ് എം.എല്‍.എ. സമീപം.

കളത്തൂര്‍: വിദ്യാഭ്യാസ മേഖലയില്‍ മാറ്റങ്ങള്‍ അനിവാര്യമാണെന്നു മന്ത്രി കെ.സി ജോസഫ്. കേരളത്തിലെ വിദ്യാഭ്യാസ മേഖലയില്‍ സര്‍ക്കാര്‍ സ്‌കൂളുകളില്‍ ഉന്നത നിലവാരത്തില്‍ വിദ്യാര്‍ത്ഥികളുടെ പഠന നിലവാരം ഉയര്‍ത്തുകയെന്നതാണ് സര്‍ക്കാരിന്റെ വിദ്യാഭ്യാസ നയമെന്നും മന്ത്രി പറഞ്ഞു. കളത്തൂര്‍ ഗവണ്‍മെന്റ് യൂപി സ്‌കൂള്‍ ശതാബ്ദി ആഘോഷങ്ങളുടെ സമാപന സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി.
മുന്‍കാലങ്ങളെ അപേക്ഷിച്ച് സര്‍ക്കാര്‍ സ്‌കൂളുകളുടെ അടിസ്ഥാനസൗകര്യങ്ങള്‍ വര്‍ധിപ്പിക്കുവാനും ആവശ്യമായ ഫണ്ടുകള്‍ വാങ്ങുവാനും പിടിഎ പരിശ്രമിക്കുന്നുണ്ട്. സര്‍ക്കാര്‍ സ്‌കൂളുകളുടെ സമഗ്രവികസനത്തിന് ജനപ്രതിനിധികള്‍ പരിശ്രമിക്കുകയും സഹായങ്ങള്‍ എത്തിക്കുകയും ചെയ്യുന്നുണെ്ടന്നും മന്ത്രി പറഞ്ഞു. കളത്തൂര്‍ സ്‌ക്കൂളിന്റെ വളര്‍ച്ച ഗ്രാമീണ മേഖലയുടെ സംസ്‌കാര പൈതൃകവും കൂട്ടായ്മയുമാണ് ഉയര്‍ത്തികാട്ടുന്നതെന്നും മന്ത്രി കൂട്ടിച്ചേര്‍ത്തു.ശതാബ്ദി സ്മാരക സമര്‍പ്പണവും, പ്രവേശന കവാടത്തിന്റെ ശിലാസ്ഥാപനവും മന്ത്രി നിര്‍വ്വഹിച്ചു.
മോന്‍സ് ജോസഫ് എം.എല്‍.എ. അദ്ധ്യക്ഷത വഹിച്ചു മുന്‍കാല ഗുരുശിഷ്യ സംഗമം ഉഴവൂര്‍ ബ്ലോക്ക് പഞ്ചായത്ത് പ്രസിഡന്റ് എം.എം. തോമസ് നിര്‍വഹിച്ചു. വിവരവകാശ കമ്മീഷനംഗം കുര്യാസ് കുമ്പളക്കുഴി, ഹെഡ്മാസ്റ്റര്‍ ടി.എന്‍. രംഗനാഥന്‍, ടി.എസ്. രമാദേവി, പി.ജി.എം. നായര്‍, മിനി ബാബു, ഏലിയാമ്മ മാത്യു, ലീലാമ്മ തോമസ്, ജോമോള്‍ ഫ്രാന്‍സീസ്, പി.എന്‍. മോഹനന്‍, അംബികാ സുകുമാരന്‍, പി.സി. കുര്യന്‍, സുജ ബാബു, സിബി കണ്ണംകുളത്തേല്‍, വി.എം. പോള്‍, ആന്‍സ് ജോയി, കെ.കെ. ശശികുമാര്‍, ജോജി സി. എബ്രാഹം, സോഫിയാമ്മ പീറ്റര്‍, മിനി മത്തായി, എം.എന്‍. രമേശന്‍, രമാ രാജു, ഇമ്മാനുവല്‍ ജോര്‍ജ്, കെ.ശ്രീനിവാസന്‍, പ്രെഫ. പി.ജെ. സിറിയക്, സി. ശശി, ടി. എസ്. എന്‍. ഇളയത്, പി.എന്‍. ദിവാകരന്‍, സനോജ് മിറ്റത്താനി, എം.എം. മാണി, വി.കെ. ലൂക്കാ, എ.ഡി. കുട്ടി, ഡോ. ശിവദാസ്, രാജു, ജയപ്രകാശ്, കാളിക്കാവ് ശശികുമാര്‍, ജോസ് ജോസഫ് എന്നിവര്‍ പ്രസംഗിച്ചു.

ചെട്ടിയാശേരില്‍ പി.എഫ്. ജോസഫ് (കൊച്ചേപ്പ്-74) നിര്യാതനായി

മരങ്ങാട്ടുപിള്ളി: ചെട്ടിയാശേരില്‍ പി.എഫ്. ജോസഫ് (കൊച്ചേപ്പ്-74) നിര്യാതനായി. സംസ്‌കാരം ഇന്നു രണ്ടിനു മരങ്ങാട്ടുപിള്ളി സെന്റ് ഫ്രാന്‍സിസ് അസീസി പള്ളിയില്‍. ഭാര്യ അന്നമ്മ ചേര്‍പ്പുങ്കല്‍ മണ്ണനാല്‍ കുടുംബാംഗം. മക്കള്‍: റോയി ജോസഫ് (ബാംഗളൂര്‍), ജെസി ഷാജി (യുഎസ്എ), ജോര്‍ജ് ജോസഫ് (ബാംഗളൂര്‍), ബിനു ജോസഫ് (ബാംഗളൂര്‍). മരുമക്കള്‍: ജിജി റോയി ചേന്നാട്ടുമറ്റം (മുത്തോലി), ഷാജി സിറിയക് പണ്ടാരശേരില്‍ (ഏറ്റുമാനൂര്‍), ഷര്‍മി ജോര്‍ജ് ഇടപ്പാട്ട് (ഇരുമ്പുപാലം), മറീന ബിനു കോലടി (ചേര്‍പ്പുങ്കല്‍).

ഓരത്തേല്‍ (മൂലയില്‍) വാസു (90) നിര്യാതനായി.

കുറവിലങ്ങാട്: ഓരത്തേല്‍ (മൂലയില്‍) വാസു (90) നിര്യാതനായി. സംസ്‌കാരം ഇന്നു രണ്ടിനു കുറുപ്പന്തറയിലുള്ള മകന്‍ കുമാരന്റെ വീട്ടുവളപ്പില്‍. ഭാര്യ കമലാക്ഷി. മറ്റുമക്കള്‍: രാജമ്മ, വിലാസിനി, ഷാജി, പുഷ്പ, മനോജ്. മരുമക്കള്‍: കുമാരന്‍ മനയ്ക്കപ്പറമ്പില്‍ (പാഴുത്തുരുത്ത്), കൗസല്യ മുകളേല്‍ (കുറുപ്പന്തറ), കൃഷ്ണന്‍കുട്ടി തുകലംമാക്കീല്‍ (പാലാ), നിര്‍മല കൊല്ലംപറമ്പില്‍ (പെരുവ), പ്രകാശ് നെടുംതൊട്ടിയില്‍ (കുറുമുള്ളൂര്‍), മഞ്ജു പുത്തന്‍പുരയ്ക്കല്‍ (മുള്ളരിങ്ങാട്).

ശിവരാത്രി ആഘോഷങ്ങള്‍ക്ക് തുടക്കമായി

കുറ­വി­ല­ങ്ങാട് മഹാ­ദേവക്ഷേത്രത്തില്‍ ശിവരാത്രി ദിനമായ ഞായറാഴ്ച പുലര്‍ച്ചെമുതല്‍ വിശേഷാല്‍ പൂജകള്‍ ആരംഭിച്ചു. അഖ­ണ്ഡ­നാ­മ­ജപ പ്രക്ഷി­ണം, വില്വ­പ­ത്രാര്‍ച്ച­ന 7.30. ശിവ­പു­രാ­ണ­പാ­രാ­യ­ണം 10.00,. ശിവ­സ­ഹ­സ്ര­നാ­മ­ജ­പം 5.00. ഭജ­ന 7.30, അഷ്ടാ­ഭി­ഷേ­കം 11.30. ശിവരാത്രി പൂജ 11.45. എന്നിവയും നടക്കും.
കാളികാവ്: ബാലസുബ്രഹ്മണ്യ സ്വാമി ക്ഷേത്രത്തില്‍ വിശേഷാല്‍ പുജകള്‍ ആരംഭിച്ചു. കാളികവ് ദേവാക്ഷേത്രത്തില്‍ നിന്നും ഇളനീര്‍ ഘോഷയാത്ര 3.30, ഇളനീര്‍ അഭിഷേകം 4.30, അരുവിപ്പുറം ശിവപ്രതിഷ്ഠയുടെ 125-ാം വാര്‍ഷിക ആഘോഷ സമ്മേളനം 5.30, പ്രഭാഷണം 7.30, സംഗീതാര്‍ച്ചന 8.30, പഞ്ചാക്ഷരിമന്ത്രജപം 9.30, ശിവരാത്രി പൂജ 10.30. എന്നിവയും നടക്കും.
കല്ലറ: ചോഴി­ക്കര മഹാ­ദേവ ക്ഷേത്ര­ത്തില്‍ കോട്ടയം ബ്രാഹ്മണ സമൂഹം മഠം നേതൃത്വം നല്‍കുന്ന രുദ്ര­ജ­പം ആരംഭിച്ചു. അഖ­ണ്ഡ­നാ­മ­ജ­പം 9.00. മഹാ­പ്ര­സാ­ദ­മൂ­ട്ട് 12.30. ശിവ­രാത്രി മാഹാത്മ്യം പ്രഭാ­ഷണം - ­വൈക്കം ശ്രീറാം 7.00, ശിവ­രാത്രി പൂജ 10.30. എന്നിവയും നടക്കും.

മുന് തിയേറ്റര് ഉടമ മുക്കത്ത് എം.എം.തോമസ് (75) അന്തരിച്ചു.

കുറവിലങ്ങാട്: മുന് തിയേറ്റര് ഉടമ മുക്കത്ത് എം.എം.തോമസ് (75) അന്തരിച്ചു. ഭാര്യ: പരേതയായ തങ്കമ്മ കുറുമുള്ളൂര് പഴയിടത്തു കുടുംബാംഗം. മക്കള്: ജിജു, ജിജി, ജിസ്. മരുമക്കള്: സ്റ്റല്വ്യു, ജെമിനി ബേക്കറി ഉടമ കുറുപ്പന്തറ (തട്ടാംപറമ്പില് കുറുപ്പന്തറ), സിവി എറണാകുളം. ശവസംസ്കാരം ഞായറാഴ്ച 2.30ന് കുറവിലങ്ങാട് മര്ത്തമറിയം ഫൊറോന പള്ളി സെമിത്തേരിയില്.

നാടുകുന്ന് മഞ്ഞക്കാലായില്‍ പൈലോ (കുട്ടപ്പായി-56) അന്തരിച്ചു.

മണ്ണയ്ക്കനാട്: നാടുകുന്ന് മഞ്ഞക്കാലായില്‍ പൈലോ (കുട്ടപ്പായി-56) അന്തരിച്ചു. ഭാര്യ: ആലീസ് (തേരുന്താനം കുടുംബാംഗം), മക്കള്‍: സി.മരിയ ജോളി പോള്‍ (ഇറ്റലി), ജോബി, സോളി. മരുമക്കള്‍: സിനി, സോണി. ശവസംസ്‌കാരം തിങ്കളാഴ്ച 2ന് മണ്ണയ്ക്കനാട് ഹോളിക്രോസ് ദേവാലയ സെമിത്തേരിയില്‍.

ടോറസ്സ് ലോറിയിടിച്ച് ബൈക്ക് യാത്ര­ക്കാ­രന് പരി­ക്കേറ്റു

എം.സി. റോഡില്‍ പുല്ലു­വട്ടം കവ­ല­യ്ക്ക് സമീ­പം ടോറസ് ലോറി­യി­ടിച്ചു­ണ്ടായ അപ­ക­ട­ത്തില്‍ തകര്‍ന്ന ബൈക്ക്.

കോഴാ: എം.സി റോഡില്‍ എതിരെ വന്ന ടോറസ് ലോറി ഇടിച്ച് ബൈക്ക് യാത്രി­കന് ഗുരു­ത­മായി പരി­ക്കേ­റ്റു. മോനി­പ്പള്ളി സ്വദേശി നെച്ചി­ക്കു­ന്നേല്‍ സിജോ ജോസ് (35) നെയാ­ണ് തെള്ള­കത്തെ സ്വകാര്യ ആസ്പ­ത്രി­യില്‍ പ്രവേ­ശി­പ്പി­ച്ച­ത്.

വെള്ളി­യാഴ്ച വൈകിട്ട് 3.45 ഓടെ പുല്ലു­വട്ടം കവ­ലയ്ക്ക് സമീ­പ­മാ­യി­രുന്നു അപകടം. കുറ­വി­ല­ങ്ങാട് നിന്നും മോനി­പ്പ­ള്ളി­യി­ലേക്ക് പോവു­ക­യാ­യി­രുന്നു സിജോ. ടോറസ് ലോറി­യുടെ ഡ്രൈവര്‍ അപ­കട സ്ഥലത്തു നിന്ന് 50 മീറ്റര്‍ മാറി വാഹനം നിര്‍ത്തിയ ശേഷം പിന്നാലെ വന്ന ബസില്‍ കയറി രക്ഷ­പെ­ടാന്‍ ശ്രമി­ച്ചു. എന്നാല്‍ ചിലര്‍ വാഹ­ന­ത്തില്‍ പിന്തു­ടര്‍ന്ന് ഡ്രൈവറെ പിടി­കൂ­ടി. പാല­ക്കാട് നെന്മാറ ചാത്ത­മം­ഗലം നമ്പൂ­തിരി പറമ്പ് വീട്ടില്‍ രാമ­ദാസ് (37) -നെ­യാണ് നാട്ടു­കാര്‍ പിടി­കൂടി കുറ­വി­ലങ്ങാട് പോലീസ് സ്റ്റേഷ­നില്‍ എത്തി­ച്ച­ത്. സിജോയെ കോഴാ­യിലെ സ്വകര്യ ആസ്പ­ത്രി­യില്‍ എത്തിച്ച് പ്രഥമ ശുശ്രൂഷ നല്‍കിയ ശേഷം കോട്ടയം മെഡി­ക്കല്‍ കോളേ­ജിലും പ്രവേ­ശി­പ്പി­ച്ചി­രു­ന്നു.
അപ­ക­ട­ത്തില്‍ ബൈക്കില്‍ നിന്നും റോഡി­ലേക്ക് തെറിച്ചു വീണി­രുന്നു സിജോ. കാല്‍ പാദ­ങ്ങള്‍ക്ക് ഗുരു­ത­ര­മായി പരി­ക്കേ­റ്റ­തായി രക്ഷാ പ്രവര്‍ത്തനം നട­ത്തി­യ­വര്‍ പറ­ഞ്ഞു.

പി.ഇ. നീലകണ്ഠന്‍

കളത്തൂര്‍: പറത്താനത്ത് പി.ഇ. നീലകണ്ഠന്‍ (83) നിര്യാതനായി. സംസ്‌കാരം ശനിയാഴ്ച (09/03) 11ന് വീട്ടുവളപ്പില്‍. ഭാര്യ കമലാക്ഷി അയര്‍ക്കുന്നം മല്ലപ്പള്ളിക്കുന്നേല്‍ കുടുംബാംഗം. മക്കള്‍: പി.എന്‍. ശാന്തകുമാരി (ഐസിഎച്ച് ഗാന്ധിനഗര്‍), ശോഭനാകുമാരി, പി.എന്‍. സുരേഷ്‌കുമാര്‍. മരുമക്കള്‍: ടി.എന്‍. വിജയന്‍, സോമന്‍, രഞ്ജിനി.

അഴിമതിയെന്ന് ബി.ജെ.പി

മരങ്ങാട്ടുപിള്ളി: സര്‍വ്വീസ് സഹകരണ ബാങ്ക് ഭരണ സമിതിയുടെ കാലാവധി അവസാനിച്ച് തിരഞ്ഞെടുപ്പിനെ നേരിടാന്‍ ഒരുങ്ങുന്നതിനിടയില്‍ നടത്തുന്ന നിയമന നീക്കം അഴിമതി ലക്ഷ്യം വച്ചാണെന്ന് ബി.ജെ.പി. മണ്ഡലം കമ്മിറ്റി ആരോപിച്ചു. പ്രസിഡണ്ട് രാജേഷ് കുര്യനാട് അദ്ധ്യക്ഷത വഹിച്ചു.

അപകടം: രക്ഷാപ്രവര്‍ത്തനത്തില്‍ സമൂഹ ചിന്ത മാറുന്നു

കുറവിലങ്ങാട്: അപകടത്തില്‍ പെട്ട് റോഡില്‍ കിടക്കുന്നവരെ രക്ഷിക്കുന്നതില്‍ നാട്ടിന്‍പുറങ്ങളില്‍ പോലും ഓടികുടന്നുവരുടെ ചിന്തമാറുന്നു. അപകടത്തില്‍ പെട്ടവരുടെ ജീവന്‍ രക്ഷിക്കുന്നതിന് ആസ്പത്രിയിലെത്തിക്കുന്നതിന് പകരം അപകടം വിതച്ചവരം പിടികൂടാനാണ് ഒരു വിഭാഗത്തിന്റെ ലക്ഷ്യം.
വെള്ളിയാഴ്ച കോഴായില്‍ ഉണ്ടായ സംഭവവും ഇതുതന്നെ. മുന്നില്‍ പോന്ന ബൈക്ക് എതിരെ വന്ന ടോറസ് ലോറിയില്‍ ഇടിച്ച് തെറിച്ചു. ബൈക്ക് യാത്രികന്‍ റോഡിലേക്ക് തെറിച്ച് വീണ് കാല്‍ പാദം ചതഞ്ഞരഞ്ഞ് രക്തം വാര്‍ന്ന് കിടക്കുന്നു. ടോറസ് ഡ്രൈവര്‍ 50 മീറ്റര്‍ ദുരം വാഹനം മുന്നോട്ട് കൊണ്ടുപോയ ശേഷം നിര്‍ത്തിയിട്ടു. ഇറങ്ങി ഓടിയ ഡ്രൈവര്‍ തൊട്ടുപിന്നാലെ വന്ന ബസില്‍ കയറി രക്ഷപെടാന്‍ ശ്രമിക്കുന്നതാണ് കാര്‍ യാത്രക്കാര്‍ കണ്ടത്.
വഴിയില്‍ കിടന്ന് രക്തം വാര്‍ന്നൊഴുകുന്ന ബൈക്ക് യാത്രികനെ ആസ്പത്രിയില്‍ എത്തിക്കുന്നതിലും പ്രധാനമായി കാര്‍ യാത്രക്കാര്‍ക്ക് തോന്നിയത് ടോറസ് ഡ്രൈവറെ പിടികൂടുക എന്നതായിരുന്നു. കോഴാ ജില്ലാ കൃഷിത്തോട്ടത്തിന് സമീപത്തുവച്ച് ടോറസ് ഡ്രൈവറെ ഇവര്‍ പിടികൂടി.
റോഡില്‍ കിടന്ന ബൈക്ക് യാത്രികനെ എടുക്കാന്‍ ശ്രമിച്ച സമീപവാസിയെ കൂടിനിന്നവരില്‍ ഒരാള്‍ അക്രമിച്ചതായും പരാതിയുണ്ട്. അപകടം നടന്നാല്‍ പോലീസ് എത്താന്‍ മണിക്കുറുകള്‍ തന്നെ പലപ്പോഴും വേണ്ടിവരുന്നു.

വെളിയന്നൂര്‍ ശിവരാത്രിയ്ക്ക് തുടക്കമായി

വെളിയന്നൂര്‍: പെരുമറ്റം മഹാദേവക്ഷേത്രത്തില്‍ ശിവരാത്രി ഉത്സവത്തിന് തുടക്കമായി. വെള്ളിയാഴ്ച രാവിലെ മുതല്‍ വിശേഷാല്‍ പൂജകള്‍ നടന്നു. ജഗ­ദം­ബികാ ഭജന്‍സിന്റെ നാമ­സ­ങ്കീര്‍ത്ത­ന­ധാ­ര യും ശ്രദ്ധേയമായി..
ശനിയാഴ്ച രാത്രി 7-ന് മേജര്‍ സെറ്റ് നള­നുണ്ണി സ്മാരക കലാ­ക്ഷേത്ര അവ­ത­രി­പ്പി­ക്കുന്ന കഥ­കളി. കര്‍ണ്ണ­ശ­പഥം കഥ. ശിവ­രാത്രി ദിന­മായ ഞായറാഴ്ച രാവിലെ 6.30-ന് നാരാ­യ­ണീ­യ­പാ­രാ­യ­ണീ­യം. 7-ന് സമൂഹ ശയന പ്രദക്ഷിണം. 8.-ന് ശ്രീബലി, നാദ­സ്വ­രം. 9-ന് 35-ല്‍ പരം കലാ­കാ­ര­ന്മാരെ അംി­നി­രത്തി വെളി­യ­ന്നൂര്‍ അരു­ണിന്റെ മേള­പ്ര­മാ­ണി­ത്വ­ത്തില്‍ പഞ്ചവാദ്യം, ചെണ്ട­മേളം. 12-ന് പന്തീരടി പൂജ, നവകപഞ്ചഗവ്യ കലശപൂജ, അഭിഷേകം. 12.30-ന് ശ്രീഭൂതബലി, മഹാപ്രസാദമൂട്ട്. 5-ന് കാഴ്ച ശ്രീബലി, മേളം. 7.30-ന് നെല്ലിക്കാക്കുന്ന് ദേവീ ക്ഷേത്രത്തില്‍ നിന്നും എതിരേല്പ്, 9-ന് വലിയകാണിക്ക, നാദ­സ്വ­രം, സ്‌പെഷ്യല്‍ പാണ്ടി­മേളം. 10.15-ന് മോഹി­നാ­യാട്ടം. 10.30-ന് ചല­ച്ചി­ത്ര­-­ടെ­ലി­വി­ഷന്‍ താര­ങ്ങള്‍ അണി­നി­ര­ക്കുന്ന ഗാനമേള, മിമിക്‌സ്. 12-ന് ശിവരാത്രി പൂജ, 12.30-ന് ശിവരാത്രി വിളക്ക്.

കോഴാ നര­സിം­ഹ­സ്വാമി ക്ഷേത്രോ­ത്സവം:ഉത്സവബലി ദര്‍ശനത്തിന് ഭക്തജനത്തിരക്കേറുന്നു

കോഴാ നര­സിം­ഹ­സ്വാമി ക്ഷേത്രോ­ത്സവം:ഉത്സവബലി ദര്‍ശനത്തിന് ഭക്തജനത്തിരക്കേറുന്നു

കോഴാ: നരസിംഹ സ്വാമി ക്ഷേത്രത്തില്‍ ഉത്സവബലി ദര്‍ശനം തൊഴാന്‍ ഭക്തജനത്തിരക്കേറുന്നു പള്ളിവേട്ട ദിനമായ വെള്ളിയാഴ്ചയും ഉത്സവബലി ചടങ്ങുകള്‍ നടക്കും. തന്ത്രി നഗരക്കാട്ടില്ലത്ത് പ്രകാശന്‍ നമ്പൂതിരി, മേല്‍ശാന്തി വഴുതായിക്കാട്ടില്ലത്ത് ജി. സുരേഷ് എന്നിവരുടെ കാര്‍മ്മികത്വത്തിലാണ് ചടങ്ങുകള്‍ നടക്കുന്നത്.
രാവിലെ 9-ന് ഉത്സവ ബലി ചടങ്ങുകള്‍ ആരംഭിക്കും. 11.00-ന് ദര്‍ശനം. വൈകിട്ട് 7-ന് ഭക്തി­ഗാ­ന­മേ­ള, 10-ന് പള്ളി­വേ­ട്ട, 10.30-ന് പഞ്ച­വാദ്യം, വല­ിയ­വി­ളക്ക്, വലി­യ­കാ­ണി­ക്ക. ശനിയാഴ്ച രാവിലെ 6-ന് തിരു­വോ­ണ­പൂജ ദര്‍ശനം, 9-ന് അമ്പ­ല­പ്പുഴ വിജ­യ­കു­മാര്‍ അവ­ത­രി­പ്പി­ക്കുന്ന സോപാ­ന­സം­ഗീതക്കച്ചേരി. 9.30-ന് കള­ഭാ­ഭി­ഷേകം, 12-ന് മഹാ­പ്ര­സാദഊട്ട്, രാത്രി 8.30-ന് ആറാട്ട് എന്നിവയാണ് പരിപടികള്‍.

മരങ്ങോലി ഗവ. എല്‍പി സ്‌കൂള്‍ ശതാബ്ദി ആഘോഷം

മരങ്ങോലി:  ഗവണ്‍മെന്റ ് എല്‍പി സ്‌കൂളിന്റെ ശതാബ്ദി ആഘോഷങ്ങളുടെ ഉദ്ഘാടനവും സ്‌കൂള്‍ വാര്‍ഷികാഘോഷവും നാളെ നടക്കും. രാവിലെ 10.30ന് സ്‌കൂള്‍ ഹാളില്‍ നടക്കുന്ന സമ്മേളനത്തിന്റെ ഉദ്ഘാടനം മോന്‍സ് ജോസഫ് എംഎല്‍എ നിര്‍വഹിക്കും. ഞീഴൂര്‍ പഞ്ചായത്ത് പ്രസിഡന്റ് ശ്രീലേഖ മണിലാല്‍ അധ്യക്ഷത വഹിക്കുന്ന യോഗത്തില്‍ കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് സഖറിയാസ് കുതിരവേലി മുഖ്യപ്രഭാഷണം നടത്തും. വിദ്യാര്‍ഥികള്‍ക്കുള്ള എന്‍ഡോവ്‌മെന്റ് വിതരണം ജില്ലാ പഞ്ചായത്തംഗം ജോസ് പുത്തന്‍കാല നിര്‍വഹിക്കും.

പഞ്ചായത്ത് വൈസ് പ്രസിഡന്റ് ജോണ്‍സണ്‍ കൊട്ടുകാപ്പള്ളി, വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ നിര്‍മല ദേവസ്യ, കുറവിലങ്ങാട് വിദ്യാഭ്യാസ ഓഫീസര്‍ ഏലിയാമ്മ മാത്യു, എസ്.വിനോദ്, പി.ഡി. രാധാകൃഷ്ണന്‍, ടോമി തോമസ്, മരങ്ങോലി സെന്റ് മേരീസ് പള്ളി വികാരി ഫാ.ജോസ് വടക്കേക്കുറ്റ്, പ്രധാനാധ്യാപിക എം.കെ. നിര്‍മല, എസ്എംസി ചെയര്‍മാന്‍ സി.എം. ബാബു എന്നിവര്‍ പ്രസംഗിക്കും. സമ്മേളനത്തിന് മുന്നോടിയായി സാംസ്‌കാരിക ഘോഷയാത്രയും നടക്കും.

വിഷന്‍-2015 നാളെ കടുത്തുരുത്തിയില്‍ മുഖ്യമന്ത്രി ഉദ്ഘാടനം ചെയ്യും

കടുത്തുരുത്തി: കടുത്തുരുത്തി നിയോജകമണ്ഡലം സമഗ്രവികസനപദ്ധതി വിഷന്‍-2015 നാളെ കടുത്തുരുത്തിയില്‍ മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. കേന്ദ്ര-സംസ്ഥാന സര്‍ക്കാരുകളുടെയും ജില്ലാ-ബ്ലോക്ക്-ഗ്രാമപഞ്ചായത്ത് സമിതികളുടെയും നേതൃത്വത്തില്‍ വികസന പ്രവര്‍ത്തനങ്ങള്‍ ഏകോപിപ്പിച്ചു നടപ്പാക്കുന്നതിന് ആവിഷ്‌കരിച്ച പദ്ധതിയാണിത്. രാവിലെ 11ന് അലങ്കാര്‍ ഓഡിറ്റോറിയത്തില്‍ ചേരുന്ന പൊതുസമ്മേളനത്തില്‍ ധനമന്ത്രി കെ.എം. മാണി മുഖ്യപ്രഭാഷണം നടത്തും. ജോസ് കെ. മാണി എംപി, കോട്ടയം ജില്ലാ പഞ്ചായത്ത് പ്രസിഡന്റ് രാധാ വി. നായര്‍ എന്നിവര്‍ പ്രസംഗിക്കും.

വിഷന്‍-2015ല്‍ മൂന്ന് വര്‍ഷത്തിനുള്ളില്‍ പൂര്‍ത്തിയാക്കാവുന്ന വിവിധ പദ്ധതികളാണ് ഉള്‍പ്പെടുത്തുന്നത്. പ്രഥമ പരിഗണന നല്‍കുന്നത് നിയോജകമണ്ഡലത്തിലെ മുഴുവന്‍ പ്രദേശങ്ങളിലും സമഗ്ര കുടിവെള്ള പദ്ധതി നടപ്പാക്കുകയെന്നതാണ്. വിവിധ സര്‍ക്കാര്‍ ഓഫീസുകള്‍, ഉന്നത വിദ്യാഭ്യാസ സ്ഥാപനങ്ങള്‍ തുടങ്ങിയവയ്ക്ക് അടിസ്ഥാന സൗകര്യങ്ങള്‍, വിവിധ കെട്ടിട സമുച്ചയങ്ങള്‍, കാര്‍ഷിക പുരോഗതിക്കുപകരിക്കുന്ന വിവിധ സംരംഭങ്ങള്‍, കടുത്തുരുത്തി ഉള്‍പ്പെടെയുള്ള വിവിധ ബൈ പാസ് റോഡുകളുടെ വികസന പ്രവര്‍ത്തനങ്ങള്‍, എംവിഐപി കനാല്‍ നിര്‍മാണം പൂര്‍ത്തീകരണം, ഉള്‍നാടന്‍ ജലാശയങ്ങളുടെയും വിവിധ തോടുകളുടെയും നവീകരണം, കായിക വിനോദ പദ്ധതികള്‍, അതിപുരാതനമായ വിവിധ ക്ഷേത്രങ്ങളുടെയും പൗരാണികത്വം സംരക്ഷിച്ചുകൊണ്ടുള്ള വിവിധ വികസന പദ്ധതികള്‍, കലാ-സാംസ്‌കാരിക ഗവേഷണ പഠനകേന്ദ്രം എന്നിങ്ങനെയുള്ള സുപ്രധാന വികസന പ്രവര്‍ത്തനങ്ങള്‍ ഉള്‍പ്പെടുത്തിയാണ് വിഷന്‍-2015 നടപ്പാക്കുന്നത്.

കടുത്തുരുത്തിയിലും തൃശൂര്‍ കിലയിലുമായി രണ്ട് പ്രാവശ്യമായി നടത്തിയ വികസന ശില്പശാലയില്‍ ഉയര്‍ന്നുവന്ന നിര്‍ദേശങ്ങള്‍ കണക്കിലെടുത്താണ് സമഗ്ര വികസനപദ്ധതി തുടക്കം കുറിച്ചിട്ടുള്ളത്. ഗ്രാമപഞ്ചായത്ത് അടിസ്ഥാനത്തില്‍ പൊതുചര്‍ച്ച നടത്തിയ ശേഷമായിരിക്കും വികസനമാസ്റ്റര്‍ പ്ലാന്‍ പ്രകാശനം ചെയ്യുന്നതെന്ന് മോന്‍സ് ജോസഫ് എംഎല്‍എ വ്യക്തമാക്കി.

രാവിലെ 11ന് കടുത്തുരുത്തി സെന്‍ട്രല്‍ ജംഗ്ഷനില്‍ നിന്നും മുഖ്യമന്ത്രി ഉമ്മന്‍ ചാണ്ടിയെയും വിശിഷ്ടാതിഥികളെയും സ്വീകരിച്ച് അലങ്കാര്‍ ഓഡിറ്റോറിയത്തിലെ സമ്മേളന നഗറിലേക്ക് ആനയിക്കും. തുടര്‍ന്നു സമ്മേളനം നടക്കും.

വൈദ്യുതി മുടങ്ങും

കിടങ്ങൂര്‍: കടപ്ലാമറ്റം, കൂടല്ലൂര്‍, ഒഴുകയില്‍പ്പടി, വയലാ എന്നിവിടങ്ങളില്‍ ഇന്നു രാവിലെ ഒമ്പതു മുതല്‍ വൈകുന്നേരം അഞ്ചു വരെ വൈദ്യുതി മുടങ്ങും.

ലാഭവിഹിതം

കുറവിലങ്ങാട്: കുറവിലങ്ങാട് സര്‍വീസ് സഹകരണബാങ്ക് 2009-10, 2010-11 വര്‍ഷങ്ങളില്‍ 20 ശതമാനം ലാഭവിഹിതം നല്‍കാന്‍ തീരുമാനിച്ചു. ബാങ്ക് വാര്‍ഷിക പൊതുയോഗത്തില്‍ ബാങ്ക് പ്രസിഡന്റ് പ്രഫ. പി.ജെ. സിറിയക് പൈനാപ്പള്ളി അധ്യക്ഷത വഹിച്ചു. ബാങ്ക് 2009-10 വര്‍ഷം 30,46,253 രൂപയും 2010-11 വര്‍ഷത്തില്‍ 34,26,671 രൂപയും പ്രവര്‍ത്തനലാഭമുണ്ടാക്കി.

അവാര്‍ഡ് സമര്‍പ്പണം

കുറവിലങ്ങാട്: മികച്ച സാമൂഹ്യ പ്രവര്‍ത്തകനുള്ള വി.കെ. കുര്യന്‍ അവാര്‍ഡ് സമര്‍പ്പണം നാളെ വൈകുന്നേരം അഞ്ചിന് മുട്ടുചിറ അല്‍ഫോന്‍സാ സ്‌നേഹതീരം വൃദ്ധസദനത്തില്‍ വൈകുന്നേരം അഞ്ചിനു നടത്തും. സ്‌നേഹതീരം ട്രസ്റ്റ് സെക്രട്ടറി ജോര്‍ജ് കൊല്ലപ്പള്ളിയാണ് ഈ വര്‍ഷത്തെ അവാര്‍ഡ് ജേതാവ്. വി.കെ. കുര്യന്‍ സ്മാരക ചാരിറ്റബിള്‍ സൊസൈറ്റി പ്രസിഡന്റ് ടി.എം. ജോര്‍ജ് അവാര്‍ഡ് സമ്മാനിക്കും.

സയന്‍സിറ്റിക്ക് കോഴാ­യിലെ 20 ഏക്കര്‍ ഭൂമി: മന്ത്രി സഭ തീരു­മാ­നത്തെ സ്വാഗതം ചെയ്യുന്നു­- മോന്‍സ് ജോസഫ്

കുറ­വി­ല­ങ്ങാ­ട്: കേന്ദ്ര­സര്‍ക്കാര്‍ കേര­ള­ത്തി­ലാ­ദ്യ­മായി അനു­വ­ദി­യ്ക്കുന്ന സയന്‍സിറ്റി യാഥാര്‍ത്ഥ്യ­മാ­ക്കാന്‍ കൃഷി­വ­കു­പ്പിന്റെ കീഴില്‍ കോഴാ­യി­ലുള്ള 100 ഏക്കര്‍ ഭൂമി­യില്‍ 20 ഏക്കര്‍ സ്ഥ­ലം വിട്ടു­കൊ­ടു­ക്കാന്‍ തീരു­മാ­ന­മെ­ടുത്ത മന്ത്രി സഭാ­യേയും യു.­ഡി.­എ­ഫ്. സര്‍ക്കാ­രിന്റെ അനു­കൂല നില­പാ­ടിനെയും സ്വാഗതം ചെയ്യുന്ന­തായി മോന്‍സ് ജോസ­ഫ് എം.എല്‍.­എ. പറ­ഞ്ഞു.
ജോസ് കെ. മാണി എം.­പി. യുടെ നേതൃ­ത്വ­ത്തില്‍ കേന്ദ്ര സര്‍ക്കാരില്‍ നട­ത്തിയ കാര്യ­ക്ഷ­മ­മായ പ്രവര്‍ത്ത­ന­ത്തിന്റെ ഫല­മായി അനു­മതി ലഭിച്ച സയന്‍സി­റ്റിയ്ക്ക് സംസ്ഥാന സര്‍ക്കാര്‍ കോഴാ­യിലെ ഭൂമി വിട്ടു­കൊ­ടു­ക്കാന്‍ തീരു­മാ­നി­ച്ച­തി­ലൂടെ കേര­ള­ത്തിന് സയന്‍സിറ്റി യാഥാര്‍ത്ഥ്യ­മാ­കാന്‍ സാഹ­ച­ര്യ­മു­ണ്ടാ­യി­രി­ക്കു­ന്നത് വിക­സന രംഗത്ത് ഏറ്റവും അഭി­മാ­ന­ക­ര­മാ­ണെന്ന് മോന്‍സ് ജോസ­ഫ് എം.­എല്‍.എ. ചൂണ്ടി­ക്കാ­ട്ടി.
യു.­ഡി.­എഫ് സര്‍ക്കാര്‍ അധി­കാ­ര­ത്തില്‍ വ­ന്ന­തിനെ തുടര്‍ന്ന് സംസ്ഥാന അടി­സ്ഥാ­ന­ത്തില്‍ ഏറ്റവും പ്രാധാ­ന്യ­മുള്ള ഏതെ­ങ്കിലും വന്‍­കിട പദ്ധതി കടു­ത്തു­രുത്തി നിയോ­ജ­ക­മ­ണ്ഡ­ല­ത്തില്‍ അനു­വ­ദി­ക്ക­ണ­മെ­ന്നുള്ള ആവശ്യം മുഖ്യ­മന്ത്രി ഉമ്മന്‍ചാണ്ടി, ധന­കാ­ര്യ­മന്ത്രി കെ.­എം.­മാണി, ജോസ് കെ മാണി എം.­പി, എന്നി­വ­രു­മായി നട­ത്തിയ ചര്‍ച്ച­യില്‍ യു.­ഡി.­എഫ് കടു­ത്തു­രുത്തി നിയോ­ജക മണ്ഡല കമ്മറ്റി ശക്ത­മായ ആവശ്യം ഉന്ന­യി­ച്ചി­രു­ന്നു. സയന്‍സിറ്റി, ഐ.­റ്റി.­പാര്‍ക്ക്, ടെക്‌നോ പാര്‍ക്ക്, അഗ്രി­കള്‍ച്ച­റല്‍ യൂണി­വേ­ഴ്‌സിറ്റി റീജി­യ­ണല്‍ സെന്ററും കോളേജും തുട­ങ്ങിയ നിര്‍ദ്ദേ­ശ­ങ്ങ­ളാണ് കോഴ കേന്ദ്ര­മായി യു.­ഡി.­എഫ് മുന്നോ­ട്ടു­വ­ച്ചി­രു­ന്ന­­തെന്ന് മോന്‍സ് ജോസഫ് എം.­എല്‍.എ. വ്യക്ത­മാ­ക്കി.
ഇതില്‍ ഏറ്റവും പ്രധാ­ന­പ്പെട്ട പദ്ധതി തന്നെ കടു­ത്തു­രുത്തി നിയോ­ജ­ക­മ­ണ്ഡ­ല­ത്തില്‍ അനു­വ­ദി­ക്കാന്‍ തയ്യാ­റായ ജോസ് കെ മാണി എം.­പി.യെ പൗരാ­വ­ലി­യ്ക്കു­വേണ്ടി പ്രത്യേകം അഭി­ന­ന്ദി­ക്കു­ന്ന­തായി മോന്‍സ് ജോസ­ഫ് എം.എല്‍.­എ. അറി­യി­ച്ചു. കേര­ള­ത്തിലെ ആദ്യത്തെ സയന്‍സിറ്റി കുറ­വി­ല­ങ്ങാട് കേന്ദ്ര­മായി യാഥാര്‍ത്ഥ്യ­മാ­ക്കാന്‍ എല്ലാ­വിധ സഹാ­യ­സ­ഹ­ക­ര­ണ­ങ്ങളും നല്‍കുന്ന കേന്ദ്ര സംസ്ഥാന സര്‍ക്കാ­രു­ക­ളോടും എം.­എല്‍.­എ. പ്രത്യേകം നന്ദി രേഖ­പ്പെ­ടു­ത്തി.

കല്ലറ ചോഴി­ക്ക­ര­യില്‍ ശിവ­രാത്രി ഉത്സവം

കല്ലറ: ചോഴി­ക്കര മഹാ­ദേവ ക്ഷേത്ര­ത്തില്‍ 10-ന് ശിവ­രാത്രി ആഘോ­ഷി­ക്കും. ഞായ­റാഴ്ച രാവിലെ 8-ന് കോട്ടയം ബ്രാഹ്മണ സമൂഹം മഠം നേതൃത്വം നല്‍കുന്ന രുദ്ര­ജ­പം. 9-ന് അഖ­ണ്ഡ­നാ­മ­ജ­പം. 12.30-ന് മഹാ­പ്ര­സാ­ദ­മൂ­ട്ട്. രാത്രി 7-ന് ശിവ­രാത്രി മാഹാത്മ്യം വൈക്കം ശ്രീറാം പ്രഭാ­ഷണം നട­ത്തും. 10.30-ന് ശിവ­രാത്രി പൂജ.

ശതാബ്ദി ആഘോഷ സമാപനം

കളത്തൂര്‍: ഗവ. യു.പി. സ്‌ക്കൂള്‍ ശതാബ്ദി ആഘോഷം 9-ന് സമാപിക്കും. ശനിയാഴ്ച രാവിലെ 9.30-ന് പരിപാടികള്‍ ആരംഭിക്കും. 1.30-ന് മുന്‍കാല ഗുരുശിഷ്യ സംഗമം. 3-ന് സമാപന സമ്മേളനം മന്ത്രി കെ.സി ജോസഫ് ഉദ്ഘാടനം ചെയ്യും. മോന്‍സ് ജോസഫ് എം.എല്‍.എ. അദ്ധ്യക്ഷത വഹിക്കും.